Commandement fait aux changeurs de Paris de porter leur billon à la Monnoye.
Samedi XXIXe jour d'avril MXXXVI furent mandez au comptouer en la Chambre des monnoyes les changeurs sur le pont de Paris et leur fut dit en enjoinct qu'ilz portassent à la Monnoye tout leur billon d'or et d'argent et que le maistre particulier auquel le roy, notre sire, avoit baillé la Monnoye de Paris, estoit bien appleigié comme certifié leur avoit esté par les généraulx maistres des Monnoyes estans à Bourges, et fut dit à Jaques Cuer, maistre particulier d'icelle Monnoye de Paris que cellui qui avoit tenu ladite Monnoye paravant estoit tenu de payer aux changeurs de l'or que on lui livroit dedans dix jours acompliz, lequel Jaques Cuer accorda de ainsi le faire.