Billet d'essai d'une boîte de grands blancs douzains de la Monnaie de Limoges

C'est l'essai d'une boeste de la Monnoye de Lymoges de deniers grans blancz douzains, à troys deniers seize grains de loy argent-le-roy, à deux grains de remedde, et de VII s. VII d. I quart de denier de poix au marc de Paris, qui ont cours pour douze deniers tournois pièce, faict en achapt par Françoys Dauvergne, maistre de lad. Monnoye, dont ont esté faictes plusieurs délivrances, la première du XIXe jour de janvier [M]VcXLII que la première délivrance fut faicte jusques au Xe jour de novembre mil VcXLIII ensuivant, en laquelle avoyt XXI s. VI d. desd. deniers douzains, et fut foyble de poix en neuf marcz quatre deniers et demy ; achapté [le] marc d'argent XIIII l. t., et de loy <...> II grains fin pour marc.