| |
Réalisation
de piles et trousseaux d'écus d'or pour la Monnaie de Saint-Lô
par le tailleur de la Monnaie de Rouen
1467, 6 juillet
Arch.
nat., Z1b 4 f° 167v°
____________________
Pilles et trousseaulx
pour la Monnoye de Saint-Lô Lundi VIe jour dud. mois de juillet mil CCCCLXVII
pour ce qu'il estoit venu à la congnoissance du comptouer que le tailleur
de la Monnoye de Saint-Lô estoit lors très fort débilité de sa personne
et ne pevoit tailler telemment que à ceste cause avoit grant neccessité
de fers en ladite Monnoye et mesmement à monnoyer escuz d'or de l'ordonnance
dud. comptouer par Guillaume le May, tailleur de la Monnoye de Rouen, furent
livrez deux paire de fers ausd. escuz, c'est assavoir deux pilles et quatre
trousseaux et en iceulx par lui mis la différence d'icelle Monnoye de Saint-Lô,
et après à baillez à Jean Basire, maistre particulier, cloz et seellez comme
il appartient par l'un des généraulx maistres des Monnoyes, pour iceulx
fers porter et bailler aux gardes de lad. Monnoye. |
