|
|
Document |
|
Rôle de distribution aux généraux et aux officiers de la Chambre des monnaies des chapeaux et des bouquets de roses pour l'année 1513, ensemble mandement à Robert Poillevillain, maître particulier de la Monnaie de Rouen, et quittance de Jean le Père, greffier de la Chambre des monnaies Arch.
nat., Z1b 602 Ce sont les noms et surnoms des officiers de la Chambre des monnoyes pour la distribution des roses de ceste présente année Généraulx des monnoyes
: sires Denis Anjorrant, Charles le Coq, Guillaume Bonneil, Guillaume
le Sueur, Martin Vinot, maistre Germain de Marle, Pierre Porte, maistre
Michiel Plume. ---------- Les généraulx maistres des Monnoyes du roy, notre sire. Robert Poill[e]villain, maistre particulier de la Monnoye de Rouen. Nous vous mandons que des deniers que [vous] povez devoir au roy, notred. sieur, à cause de lad. Monnoye, vous payez, baillez et délivrez à Perrecte Mercière, chappelière de roses, demourant à Paris, la somme de vingt-cinq livres six solz trois deniers tournois que nous luy avons ordonné par ces présentes pour avoir par elle fourny et livré durant trente jours des mois de may et juing derreniers passez, à chacun de nous généraulx et aux autres officiers de la Chambre desd. Monnoyes nommez au roole de parchemin cy-actaché soubz l'un de noz signetz ung chappeau et ung bouquet de roses, fors et excepté qu'il n'en a esté baillé à l'[h]uissier de lad. Chambre que la moictié, qui vallent, à la raison de quinze deniers tournois pour chacun desd. chappeau et bouquet, vallent lad. somme de XXV livres VI solz III deniers tournois, et par rapportant ces présentes, avec quictance de lad. Mercière, lad. somme sera allouée en voz comptes partout là où il appartiendra. Donné à Paris, en la Chambre desd. monnoyes, le XIIe jour de juillet l'an mil cinq cens et treze. [Signé :] Le Père. ---------- En la présence de moy, Jehan le Père, greffier de la Chambre des monnoyes, Perrecte la Mercière, chappelière de roses, nommée au blanc, a confessé avoir eu et receu de sire Robert Poil[e]villain, maistre particulier de la Monnoye de Rouen, nommé aud. blanc, la somme de vingt-cinq livres six solz trois deniers tournois à elle tauxée et ordonnée par messieurs les généraulx desd. Monnoyes pour les causes contenues en icelluy blanc, et laquelle somme elle s'est tenue pour content et en a quicté et quicte led. Poil[e]villain et tous autres. Tesmoing mon seing manuel cy mis à sa requeste le douziesme jour de juillet l'an mil Vc et XIII. [signé:] Le Père. |
|
© ordonnances.org, 2008. Tous droits réservés |
