En la présence de nous, notairs royaulx à Tours, soubsignez, honnorable homme Jehan de Fougas, commissaire commis à la Monnoye de Tours, a dict et déclairé que pour le point accoustumé estre mis ès espèces d'or et monnoyes forgées ès Monnoyes de France et comme de coustume ont fait et font les austres maistres et commis ès autres Monnoyes de France, il entend pour sond. point mectre une petite flambe de feu la plus petite et moins apparente que faire ce pourra ou tircint desd. pièces entre ces motz : dei gracia, priant et requérant led. de Fougas messeigneurs les généraulx des Monnoyes ordonner led. point estre mis en la manière desusd. s'ilz voyent que bon soit ou autrement en ordonner ainsi que bon leur semblera. Fait à Tours, par-devant nous, le vingt-deuxiesme jour d'octobre l'an mil cinq cens trente et quatre.