Aux gardes de la Monnoye de Lyon pour renvoyer en la Chambre la vériffication sur les lettres patentes de permission de testons obtenues par Françoys Guilhen, maistre particullier d'icelle Monnoye.
A esté escript aux gardes de la Monnoye de Lyon qu'ilz ayent à renvoyer en la Chambre des monnoyes la vériffication faicte par lad. Chambre le dixiesme novembre dernier passé à Françoys Guilhen, maistre de la Monnoye de Lyon, sur les lettres patentes du roy par luy obtenues le dernier jour d'octobre dernier passé pour fabrication de gros et demyz-gros testons, et néanmoings cependant laisser aud. Guilhen continuer l'ouvraige desd. gros et demyz-gros testons jusques à la quantité de douze mil marcz desd. testons et demyz-testons dedans l'an contenu en lad. vériffication si tant il peult faire sur les fers préceddens sur lesquelz il a jà commencé à faire led. gros et demyz-groz testons.