Philippes le Bel

Du premier jour de febvrier l'an mil trois cens six jusques en my-may l'an mil trois cens huict feist l'en petitz royaulx d'or qui avoient cours pour unze solz parisis la pièce et donnoit l'en au marc d'or fin quarante-quatre livres tournois et ainsi dura et se continua jusques au jeudi devant la my-aoust l'an [mil] trois cens dix.

Du jeudi devant la my-aoust l'an mil trois cens dix jusques jusques [sic] au lundi huictiesme jour en febvrier en celluy mesme an l'en feist deniers d'or appellez royaulx durs qui avoient cours pour vingt-quatre solz parisis la pièce et furent à vingt-deux karatz d'or fin et donnoit l'en au marc d'or trente-trois deniers d'or d'iceulx mesmes deniers d'or et estoient de trente-quatre deniers d'or et demy de poidz au marc de Paris.

Du huictiesme jour de febvrier l'an mil trois cens dix jusques au premier jour de septembre l'an mil trois cens unze feist l'en deniers d'or fin à l'aignel de cinquante-neuf de poidz et ung sixiesme au marc de Paris, qui eurent cours pour quinze solz tournois, et donnoit l'en en celluy temps plusieurs prix au marc d'or, c'est assavoir cinquante-sept livres dix solz, cinquante-sept livres

Du premier jour de septembre l'an mil trois cens unze jusques au vingt-quatriesme jour d'aoust l'an mil trois cens douze feist l'en deniers d'or fin à l'aignel du poidz et du cours dessusdicts et donnoit l'on au marc d'or le prix dessusdict sans faire mention des creues.

Du vingt-quatriesme jour d'aoust l'an mil trois cens douze jusques à la veille de Pasques l'an mil trois cens treize feist l'en deniers d'or à l'aignel du poidz dessusdict et couroit pour vingt solz tournois ou pour vingt solz de bourgeois et donna l'en en tout ce temps plusieurs prix au marc d'or, c'est assavoir cinquante-deux livres dix solz tournois, cinquante-trois livres, cinquante-quatre livres dix solz tournois, cinquante-sept livres dix solz tournois, cinquante-sept livres douze solz tournois et cinquante-huict livres tournois, et n'estoit poinct lors faict mention des jours ne des heures des creues.

De la veille de Pasques l'an mil trois cens treize jusques au septiesme jour de may l'an mil trois cens quinze feist l'en deniers d'or à l'aignel du poidz dessusdict et avoient cours pour vingt solz tournois

Louys Hutin

Du sixiesme jour de may l'an mil trois cens quinze jusques au vingt-troisiesme jour de janvier l'an mil trois cens dix-neuf feist l'en deniers d'or à l'aignel du poidz et du cours dessusdicts et donnoit l'en au marc d'or cinquante-trois et cinquante-huict deniers d'or à l'aignel et n'estoit lors faict nulle mention des temps ne jour des creues.

Philippes le Long

Du vingt-quatriesme jour de janvier l'an mil trois cens dix-neuf jusques au vingt-septiesme jour de mars l'an mil trois cens vingt-trois feist l'en deniers d'or fin à l'aignel du poidz et du cours dessusdicts et donnoit l'en au marc d'or cinquante-trois, cinquante-six, cinquante-sept et cinquante-huict deniers d'or à l'aignel, sans aucun temps des creues.

Charles le Bel

Du vingt-septiesme jour de mars l'an mil

Du seiziesme jour de febvrier l'an mil trois [cens] vingt-cinq jusques au vingtiesme jour de septembre l'an mil trois cens trente ensuivant feist l'en royaulx doubles d'or fin de cinquante-huict de poidz au marc de Paris et donna l'en pour tout ce temps cinquante-quatre royaulx d'or au marc et furent faictz pour vingt solz parisis la pièce mais ilz eurent plusieurs prix et cours par-dessus jusques à vingt-huict solz au plus.

Philippes de Valoys

Du vingtiesme jour de septembre l'an mil trois cens trente jusques au neufiesme jour de janvier l'an mil trois cens trente [et] ung feist l'en parisis d'or qui eurent cours pour vingt solz parisis la pièce et de trente-trois deniers d'or et trois quins de poidz au marc de Paris et donnoit l'en au marc d'or trente-deux deniers et deux quintz.

Du premier jour de febvrier l'an mil trois cens trente-six jusques au premier jour de febvrier l'an mil trois cens trente-sept feist l'en deniers d'or fin à l'escu, de cinquante-quatre de poidz au marc de Paris, qui eurent cours pour vingt solz tournois la pièce, et donnoit l'en au marc d'or cinquante livres tournois.

Du premier jour de febvrier l'an mil trois cens trente-sept jusques au quatorziesme jour de novembre l'an mil trois cens trente-huict feist l'en deniers d'or fin à l'escu du poidz et du coing des autres dessusdicts et donnoit l'en au marc d'or cinquante-deux livres tournois.

Du quatorziesme jour de novembre l'an mil trois cens trente-huict jusques à douze jours de décembre ensuivant feist l'en deniers d'or fin au lyon de cinquante deniers d'or de poidz audict marc de Paris et donna l'en au marc d'or cel[lu]y temps cinquante-huict livres tournois et eurent cours pour vingt-cinq solz tournois la pièce.

Du douziesme jour de décembre l'an mil trois cens trente-huict jusques au vingt-cinquiesme jour de may ensuivant l'an mil trois cens trente-neuf l'en feist deniers d'or fin au lyon semblables en tout comme les autres dessusdicts et donna l'en au marc d'or en celluy temps cinquante-neuf livres dix solz tournois.

Du quatorziesme jour de juing l'an mil trois cens trente-neuf jusques à dix jours d'aoust ensuivant l'en feist deniers fin au paveillon de quarante-huict de poidz au marc de Paris et eurent cours pour trente solz tournois la pièce et donna l'en en ce temps au marc d'or soixante-six livres tournois.

Du dixiesme jour d'aoust l'an mil trois cens trente-neuf jusques au dix-neufiesme jour de janvier ensuivant feist l'en deniers d'or fin au paveillon semblables et par la manière comme dessus et donna l'en au marc d'or par icelluy temps soixante-neuf livres tournois.

Du vingtiesme jour de janvier l'an mil trois cens trente-neuf jusques à sept jours de febvrier l'an dessusdict l'en feist deniers d'or fin au paveillon de la manière et comme par-dessus et donna l'en au marc d'or soixante [et] unze livres tournois.

Du septiesme jour de febvrier l'an mil trois cens trente-neuf jusques au sixiesme jour d'avril ensuivant devant Pasques l'an mil trois cens quarante l'en feist deniers d'or fin à la couronne de quarante-cinq de poidz au marc de Paris et eurent cours pour

Du quatorziesme jour d'avril l'an mil trois cens quarante jusques au vingt-neufiesme jour de juillet ensuivant et encores jusques à vingt-sept jours de may ensuivant oudict an l'en feist doubles d'or fin et donna l'en au marc d'or quatre-vingtz-quinze livres tournois et feurent de poidz au marc de Paris de trente-six et eurent cours pour soixante solz tournois.

Du vingt-septiesme jour de may l'an mil trois cens quarante jusques au vingt-septiesme jour de juillet ensuivant oudict an feist l'en doubles d'or à ung karat de cuyvre, de trente-six de poidz au marc de Paris, et donna l'en au marc d'or cent livres tournois et avoient cours pour soixante solz tournois la pièce.

Du vingt-septiesme jour de juillet l'an mil trois cens quarante jusques à sept jours d'octobre ensuivant oudict an l'en feist doubles d'or à ung karat de cuyvre, de trente-six de poidz au marc dessusdict, et donnoit l'en au marc d'or cent quatre livres tournois.

Du dix-septiesme jour d'octobre l'an mil trois cens quarante jusques à sept jours de febvrier ensuivant oudict an l'en feist doubles d'or à ung karat de cuyvre et de trente-six de poidz au marc dessusdict

Du septiesme jour de febvrier l'an mil trois cens quarante jusques au vingt-troisiesme jour d'aoust l'an mil trois cens quarante [et] ung feist l'en deniers d'or fin à l'ange qui eurent cours pour soixante-quinze solz tournois la pièce et de trente-trois et deux tiers de poidz au marc dessusdict et donnoit l'en au marc d'or cent quinze livres tournois.

Du vingt-troisiesme jour d'aoust l'an mil trois cens quarante [et] ung jusques au dix-neufiesme jour de janvier ensuivant feist l'en deniers d'or fin à l'ange de trente-huict et ung tiers de poidz au marc de Paris et eurent cours pour soixante-quinze solz tournois la pièce et donnoit l'en du marc d'or six-vingtz-dix livres tournois.

Du dix-neufiesme jour de janvier l'an mil trois cens quarante [et] ung jusques au vingt-huictiesme juing l'an mil trois cens quarante-deux feist l'en deniers d'or fin à l'ange de trente-huict et ung tiers de poidz comme dessus, qui eurent cours pour soixante-quinze solz tournois la pièce, et donnoit l'en au marc d'or six-vingtz-seize livres tournois.

Du vingt-huictiesme jour de juing l'an mil trois cens quarante-deux jusques au seiziesme jour de septembre ensuivant oudict an feist l'en deniers d'or fin à l'ange de quarante-deux de poidz audict marc, qui eurent cours pour quatre livres cinq solz tournois

Du seiziesme jour de septembre l'an mil trois cens quarante-deux jusques au dixiesme jour d'avril l'an mil trois cens quarante-deux avant Pasques l'an mil trois cens quarante-trois valut marc d'or, en faisant les deniers d'or fin à l'ange dessusdicts de quarante-deux de poidz et de quatre livres cinq solz tournois de cours, huict-vingtz-unze livres tournois.

Du dixiesme jour d'avril l'an mil trois cens quarante-deux jusques au premier jour de janvier l'an mil trois cens quarante-trois feist l'en deniers d'or fin à l'escu de cinquante-quatre de poidz au marc de Paris et eurent cours jusques au vingt-deuxiesme jour de septembre l'an mil trois cens quarante-trois pour cinquante-six, cinquante-huict et cinquante-neuf solz parisis, volente de peuple, et depuis le vingt-deuxiesme jour de septembre l'an mil trois cens quarante-trois eurent cours par les ordonnances de la moienne monnoie pour trente-six solz parisis la pièce jusques au premier jour de novembre ensuivant l'an dessusdict mil trois cens quarante-trois et donnoit l'en au marc d'or cent dix-sept livres tournois.

Du premier jour de novembre l'an mil trois cens quarante-trois jusques au vingt-septiesme jour de mars l'an mil trois cens quarante-quatre

Du vingt-septiesme jour de mars l'an mil trois cens quarante-quatre jusques au dix-septiesme jour de juillet l'an mil trois cens quarante-six feist l'en deniers d'or fin à l'escu semblable[s] et en la manière de dessus et donnoit l'en au marc d'or cinquante-trois deniers d'or à l'escu, qui vallent à seize solz huict deniers tournois la pièce quarante-quatre livres trois solz quatre deniers tournois.

Du dix-septiesme jour de juillet l'an mil trois cens quarante-six jusques au quatriesme jour de mars ensuivant en celluy an feist l'en deniers d'or fin à la chaire de cinquante-deux de poidz au marc de Paris et eurent cours pour vingt solz la pièce par l'ordonnance du roy et de volenté de peuple pour dix-huict, dix-neuf, vingt et vingt [et] ung solz parisis la pièce et donnoit l'en au marc d'or cinquante livres tournois.

Du quatriesme jour de mars l'an mil trois cens quarante-six jusques au sixiesme jour d'avril l'an mil trois cens quarante-sept feist l'en deniers d'or fin à la chaire semblables et en la manière de dessus du poidz et de la loy et eurent cours pour

Du sixiesme jour d'avril l'an mil trois cens quarante-sept jusques au unziesme jour de janvier ensuivant feist l'en deniers d'or fin à la chaire du poidz, du cours, de la loy et en la manière de dessus et par l'ordonnance du roy et eurent cours de volenté de peuple non contestant l'ordonnance pour vingt-six, pour vingt-huict, pour trente et pour trente-deux solz parisis la pièce et donnoit l'en au marc d'or soixante-quinze livres tournois.

Du unziesme jour de janvier l'an mil trois cens quarante-sept jusques à trente jours d'aoust l'an mil trois cens quarante-huict feist l'en deniers d'or à l'escu à ung karat de cuyvre et de cinquante-quatre de poidz au marc de Paris et eurent cours pour quinze solz parisis la pièce et donnoit l'en au marc d'or cinquante [et] une livre[s] dix solz tournois.

De trente jours d'aoust l'an mil trois cens quarante-huict jusques à douze jours de mars feist l'en deniers d'or à l'escu à ung karat et quart de cuyvre et de cinquante-quatre de poidz au marc de Paris et eurent cours pour seize solz parisis la pièce et donnoit l'en au marc d'or fin cinquante [et] une livre[s] dix solz tournois, en payant ledict denier d'or à l'escu pour quinze solz parisis.

De vingt-trois jours de may l'an mil trois cens quarante-neuf jusques à cinq jours de décembre ensuivant l'en feist deniers d'or à l'escu à vingt [et] un karat[s], qui eurent cours pour vingt solz parisis la pièce par l'ordonnance du roy et de volenté du peuple pour vingt-quatre solz parisis, et furent de cinquante-quatre de poidz au marc de Paris et donnoit l'en au marc d'or fin cinquante-deux livres ung solz six deniers tournois, en payant l'escu pour quinze solz.

De cinq jours de décembre l'an mil trois cens quarante-neuf jusques au vendredi vingt-trois jours d'avril l'an [mil trois cens] cinquante l'en feist deniers d'or à l'escu telz de poidz et de loy et de cours par l'ordonnance du roy comme les dessusdicts et de volenté de peuple eurent cours pour vingt-cinq solz parisis et vallurent par volenté de peuple, l'an [mil trois cens] cinquante, trente solz parisis

Du vingt-troisiesme jour d'avril l'an mil trois

Jehan premier

Du premier jour de septembre l'an mil trois cens cinquante jusques au vingtiesme jour de juing mil trois cens cinquante [et] ung feist l'en deniers d'or à l'escu de tel poidz et de telle loy comme dessus et donnoit l'en au marc d'or fin cinquante-trois livres dix-huict solz neuf deniers tournois et en la Monnoie de Tournay cinquante-quatre livres sept solz six deniers tournois, en payant ledict denier d'or pour quinze solz parisis.

Du vingtiesme jour de juing l'an mil trois cens cinquante [et] ung jusques au vingt-septiesme jour de juillet ensuivant feist l'en deniers d'or à l'escu à vingt karatz et demy de loy du coing et poidz et eurent cours comme dessus et donnoit l'en au marc d'or fin cinquante-quatre livres dix-sept solz six deniers tournois.

Du vingt-septiesme jour de juillet l'an mil trois cens cinquante [et] ung jusques au vingtiesme jour d'aoust ensuivant feist l'en deniers d'or à l'escu à vingt karatz de loy du coing, poidz et eurent cours comme dessus

Du vingtiesme jour d'aoust l'an mil trois cens cinquante [et] ung jusques au dix-septiesme jour de septembre ensuivant feist l'en deniers d'or fin aux fleurs de lys qui eurent cours pour quarante solz tournois la pièce et de cinquante de poidz au marc et donnoit l'en au marc d'or fin quatre-vingtz-<sept> livres tournois.

Du dix-septiesme jour de septembre mil trois cens cinquante [et] ung jusques au vingt-quatriesme jour dudict moys ensuivant feist l'en deniers d'or à l'escu à vingt karatz de loy du coing, poix et loy, cours pour le prix dessusdict comme ceulx dessusdicts et donnoit l'en au marc d'or cinquante-six livres cinq solz tournois.

Du vingt-quatriesme jour de septembre l'an mil trois cens cinquante [et] ung jusques au dix-neufiesme jour de novembre ensuivant feist l'en deniers d'or à l'escu à dix-huict karatz de loy du coing, poidz et eurent cours comme dessus et donnoit l'en en tout marc d'or fin cinquante-huict livres deux solz six deniers tournois.

Du vingtiesme jour de novembre mil trois cens cinquante [et] ung jusques au vingt [et] ungiesme jour d'avril l'an [mil trois cens] cinquante-deux feist l'en deniers d'or à l'escu du coing, poidz et loy et eurent cours comme dessus et donnoit l'en au marc d'or fin soixante livres tournois.

De dix-huict jours de janvier mil trois cens cinquante-deux jusques au vingt-cinquiesme jour d'octobre ensuivant l'an [mil trois cens] cinquante-trois feist l'en deniers d'or à l'escu du coing, poidz et loy et eurent cours comme dessus et donnoit l'en au marc d'or soixante [et] une livre[s] dix-sept solz six deniers tournois.

De vingt-cinq jours d'octobre l'an mil trois cens cinquante-trois jusques au vingt-quatriesme jour de novembre l'an [mil trois cens] cinquante-quatre feist l'en deniers d'or à l'escu du coing, poidz et loy et eurent cours comme dessus et donnoit l'en au marc d'or fin soixante-deux livres seize solz trois deniers tournois.

De vingt-quatre jours de novembre mil trois cens cinquante-quatre jusques au troisiesme jour de juing ensuivant l'an [mil] trois cens cinquante-cinq l'en feist deniers d'or fin à l'aignel de cinquante-deux de poidz au marc de Paris et eurent cours pour vingt-cinq solz tournois la pièce et donnoit l'en en tout marc d'or fin soixante livres tournois le denier d'or à l'aignel pour le prix dessusdict et fin osté le cours à tout autre or.

Du troisiesme jour de juing mil trois cens cinquante-

Du dix-neufiesme jour de juing mil trois cens cinquante-cinq jusques au vingt-huictiesme jour de janvier ensuivant feist l'en deniers d'or fin à l'aignel du coing, poidz et loy et eurent cours comme dessus et donnoit l'en en tout marc d'or fin cinquante deniers d'or fin à l'aignel.

Du vingt-huictiesme jour de janvier mil trois cens cinquante-cinq jusques au dernier jour d'aoust mil trois cens cinquante-huict ensuivant feist l'en deniers d'or fin au mouton du coing, poidz et loy que dessus et eurent cours pour vingt-cinq solz tournois la pièce et autres deniers d'or fin appellez aignelletz de cent quatre deniers audict marc, qui eurent cours pour douze solz six deniers tournois la pièce, et donnoit l'en en tout marc d'or fin cinquante moutons et demy.

Du dernier jour d'aoust mil trois cens cinquante-huict jusques au vingtiesme jour d'avril ensuivant avant Pasques feist l'en royaulx d'or fin de soixante-<six> de poidz au marc et eurent cours pour vingt-cinq solz la pièce et donnoit l'en en tout marc d'or fin soixante-dix-huict livres quinze solz tournois.

Du deuxiesme jour de juing mil trois cens cinquante-neuf jusques au douziesme jour de janvier l'an mil trois cens soixante feist l'en deniers royaulx d'or fin de soixante-neuf de poidz et eurent cours comme dessus et donnoit l'en en tout marc d'or fin quatre-vingtz-une livre[s] cinq solz tournois.

Du douziesme jour de janvier l'an mil trois cens soixante jusques au dix-huictiesme jour d'aoust mil trois cens soixante-trois feist l'en deniers francs d'or fin de soixante-trois de poidz au marc de Paris et eurent cours pour vingt solz tournois la pièce et donnoit en marc d'or fin soixante livres tournois.

Du dix-huictiesme jour d'aoust mil trois cens soixante-trois jusques au cinquiesme jour d'aoust mil trois cens soixante-quatre feist l'en deniers francs d'or fin du poidz et loy et eurent cours comme dessus et donnoit l'en en marc d'or fin soixante [et] une livre[s] tournois.

Du cinquiesme jour d'aoust l'an [mil trois cens] soixante-quatre jusques au dixiesme jour de septembre ensuivant feist l'en deniers royaulx d'or fin de soixante-trois de poidz au marc

De dix jours de septembre mil trois cens soixante-quatre jusques au cinquiesme jour de may l'an [mil trois cens] soixante-cinq feist l'en deniers francs d'or fin comme dessus et donnoit l'en pour marc d'or fin soixante-deux livres tournois.

Du roy Charles cinquiesme

De cinq jours de may l'an mil trois cens soixante-cinq jusques au trentiesme jour d'aoust mil trois cens soixante-huict feist l'en deniers d'or fin appellez deniers d'or aux fleurs de lys qui eurent cours pour vingt solz tournois la pièce et furent de soixante-quatre de poidz au marc de Paris et donnoit l'en pour marc d'or fin soixante-deux livres dix solz tournois.

Du trentiesme jour d'aoust mil trois cens soixante-huict jusques au douziesme jour de mars [mil] trois cens soixante [et] unze l'en feist semblables deniers d'or fin aux fleurs de lys et de soixante-quatre de poidz au marc et donnoit l'en pour marc d'or fin soixante-deux livres dix-huict solz tournois.

Du douziesme jour de mars mil trois cens soixante [et] unze jusques au dix-huictiesme jour de mars mil trois cens quatre-vingtz-quatre feurent faictz

Du dix-huictiesme jour de mars l'an mil trois cens quatre-vingtz-quatre jusques au cinquiesme jour de septembre mil trois cens quatre-vingtz-six l'en feist deniers d'or fin appellez escuz à la couronne ayans cours pour vingt-deux solz six deniers tournois la pièce et de soixante de poidz au marc de Paris et donnoit l'en pour marc d'or soixante-cinq livres dix solz tournois.

Du cinquiesme jour de septembre mil trois cens quatre-vingtz-six jusques au troisiesme jour de mars mil trois cens quatre-vingtz-sept furent faictz semblables deniers d'or fin à la couronne ayans cours pour vingt-deux solz six deniers tournois la pièce et de soixante de poidz au marc et donnoit l'en pour marc d'or soixante-six livres tournois.

Du roy Charles sixiesme

Du troisiesme jour de mars mil trois cens quatre-vingtz-sept jusques au huictiesme jour d'avril mil trois cens quatre-vingtz-unze l'en feist semblables escuz fins à la couronne ayans cours pour vingt-deux solz six deniers tournois la pièce et de soixante [et] ung et le tiers d'un escu de poidz au marc de Paris et donnoit l'en pour marc d'or fin soixante-six livres dix solz tournois.

Du premier jour d'avril l'an mil trois cens quatre-vingtz-douze avant Pasques, auquel jour l'en feist assavoir la creue aux changeurs de Paris, jusques au vingt-huictiesme jour d'aoust l'an [mil trois cens] quatre-vingtz-quatorze l'en feist semblables escuz d'or fin à la couronne ayans cours pour vingt-deux solz six deniers tournois la pièce est [sic] de soixante [et] ung et le tiers d'un denier de poidz au marc de Paris et donnoit l'en pour marc d'or fin soixante-sept livres dix solz tournois.

Du vingt-huictiesme jour d'aoust l'an mil trois cens quatre-vingtz-quatorze jusques au cinquiesme jour de novembre l'an mil quatre cens et unze l'en feist semblables deniers d'or fin à la couronne de soixante-deux deniers de poidz au marc et donnoit l'en pour marc d'or fin soixante-huict livres cinq solz tournois, auquel vingt-huictiesme jour fut publiée la creue aux changeurs de Paris.

Du cinquiesme jour de novembre l'an mil quatre cens unze, auquel jour l'en feist assavoir la creue

Du cinquiesme jour de mars l'an mil quatre cens et unze jusques au unziesme jour d'octobre mil quatre cens et quinze l'en feist semblables deniers d'or fin à la couronne de soixante-quatre deniers de poidz au marc du cours, poidz et loy comme dessus et donnoit l'en pour marc d'or fin soixante-dix livres quinze solz tournois.

Du troisiesme jour de juillet l'an mil quatre cens treize jusques au unziesme jour d'octobre mil quatre cens quinze l'en feist petitz deniers d'or fin appellez escuz à la couronne qui ont cours pour quinze solz tournois la pièce et de quatre-vingtz et seize de poidz au marc de Paris et donnoit l'en pour marc d'or fin soixante-dix livres quinze solz tournois comme dessus.

Du unziesme jour d'octobre mil quatre cens quinze jusques au unziesme jour de may l'an mil quatre cens dix-sept l'en feist semblables deniers d'or fin à la couronne de soixante-quatre deniers de poidz au marc, du cours, poidz et loy comme

Du unziesme jour d'octobre mil quatre cens et quinze jusques au dixiesme jour de may l'an mil quatre cens dix-sept l'en feist semblables petitz deniers d'or fin appellez petitz escuz à la couronne qui ont cours pour quinze solz tournois la pièce et de quatre-vingtz et seize de poidz au marc de Paris et donnoit l'en pour marc d'or fin soixante-douze livres tournois comme dessus.

Du dixiesme jour de may l'an mil quatre cens dix-sept jusques au vingt [et] ungiesme jour d'octobre l'an mil quatre cens dix-sept l'en feist petitz deniers d'or à vingt-trois karatz appellez moutons ayans cours pour vingt solz tournois la pièce et de quatre-vingtz-seize deniers de poidz au marc de Paris et donnoit l'en pour marc d'or fin quatre-vingtz-douze livres tournois.

Du vingt [et] ungiesme jour d'octobre l'an mil quatre cens dix-sept jusques au dix-septiesme de juing mil quatre cens dix-huict l'en feist deniers d'or à vingt-deux karatz appellez escuz heaumez à trois fleurs de lys ayans cours pour quarante solz tournois la pièce et de quarante-huict deniers de poidz au marc de Paris et donnoit

Item petitz deniers d'or appellez moutons à ladicte loy de vingt-deux karatz, ayans cours pour vingt solz tournois la pièce, et de quatre-vingtz-seize deniers de poidz audict marc de Paris et donnoit l'en pour chacun marc d'or fin quatre-vingtz-douze livres tournois comme dessus.

Du dix-septiesme jour de juing mil quatre cens dix-huict jusques au dix-huictiesme jour de juing l'an mil quatre cens dix-neuf l'en feist semblables deniers d'or grandz et petitz du poidz et loy dessusdicts et donnoit l'en pour marc d'or fin quatre-vingtz-quatorze livres tournois.

Le septiesme jour de mars mil quatre cens dix-huict fut ordonné par le Conseil du roy faire en la Monnoie de Tournay deniers d'or appellez escuz à la couronne ayans cours pour trente solz tournois la pièce à vingt-trois karatz et de soixante-sept deniers de poidz au marc de Paris et donnoit l'en pour marc d'or fin cent trois livres tournois.

Esquelz deniers d'or fut ordonné faire pour différence devers la croix entre CAROLUS et DEI une petite croisette en lieu des poinctz qui y sont et devers la pille entre le premier XPUS et le mot ensuivant semblablement une petite croisette avec les autres différences accoustumées.

Du deuxiesme jour de mars l'an mil quatre cens dix-neuf jusques au unziesme jour d'aoust mil quatre cens vingt [et] ung l'en feist deniers d'or appellez escuz à la couronne à vingt-trois karatz et de soixante-sept deniers de poidz au marc de Paris, ayans cours pour cinquante solz tournois la pièce, et donnoit l'en pour chacun marc d'or fin huict-vingtz-unze livres treize solz quatre deniers tournois.

Et le deuxiesme jour de mars dessusdict fut ordonné que les deniers d'or appellez moutons qui avoient cours pour trente solz tournois la pièce auront cours pour trente-trois solz quatre deniers tournois.

Du unziesme jour d'aoust l'an mil quatre cens vingt [et] ung jusques au sixiesme jour de febvrier mil quatre cens vingt-deux l'en feist deniers d'or fin appellez saluz à ung huictiesme de karat de remedde et de soixante-trois deniers de poidz au marc de Paris, ayans cours pour vingt-cinq solz tournois la pièce.

Du roy Charles septiesme

Du sixiesme jour de febvrier mil quatre cens vingt-deux jusques au quatriesme jour de juing mil quatre cens vingt-trois l'en feist deniers d'or fin nommez saluz, à ung quart de karat de remedde, aux armes de France et d'Angleterre, de soixante-trois deniers de poidz au marc de Paris, ayans cours pour vingt-cinq solz tournois la pièce, et donnoit l'en pour marc d'or fin soixante-seize livres cinq solz tournois.

Et le quatriesme jour de juing [mil] quatre cens vingt-trois fut ordonné faire semblables deniers d'or et donner de marc d'or soixante-dix-sept livres dix solz tournois, sur lequel prix n'a esté faict aucun ouvraige.

Du sixiesme jour de septembre l'an mil quatre cens vingt-trois jusques au ... l'en feist deniers d'or fin appellez saluz, aux armes

Du vingt-quatriesme jour de may mil quatre cens vingt-sept, par vertu des lettres du roy nostre sire données cedict jour, l'en feist petitz deniers d'or fin appellez angellotz qui ont cours les trois pour deux deniers d'or nommez saluz, de cent cinq deniers de poidz au marc de Paris, et donnoit l'en pour marc d'or fin soixante-dix-huict livres tournois comme dessus.

Du vingt-huictiesme jour de janvier mil quatre cens trente-cinq jusques au ... l'en feist deniers d'or fin appellez escuz à la couronne à ung quart de karat de remedde, à deux fleurs de lys couronnées aux deux costez de l'escu, de soixante-dix deniers de poidz au marc de Paris, ayans cours pour vingt-cinq solz tournois la pièce, et donnoit l'en pour marc d'or fin quatre-vingtz-six livres cinq solz tournois.

Et ne fut ladicte ordonnance exécuttée à Paris que

Le vingt-sixiesme jour d'avril mil quatre cens trente-huict fut ordonné par le Conseil du roy faire ouvrer et monnoier en la Monnoie de Paris et autres petitz deniers d'or fin appellez demyz-escuz à ung quart de karat de remedde et de sept-vingtz deniers de poidz au marc de Paris, ayans cours pour demy-escu d'or la pièce, de la forme desdicts grandz escuz d'or, esquelz fut mys pour différence à Paris soubz la dix-huictiesme lettre, tant devers la croix que devers la pille, ung poinct comme aux grandz escuz.

Par vertu des lettres patantes du roy nostre sire données à Saumur le dix-neufiesme jour de novembre mil quatre cens quarante-trois fut ordonné donner ès Monnoies dudict sieur à tous changeurs et marchans pour chacun marc d'or fin soixante-neuf escuz et demy des escuz couronnal, qui vallent à vingt-cinq solz tournois l'escu quatre-vingtz-six livres dix-sept solz six deniers tournois.

Par vertu des lettres patantes du roy nostre sire données à Chaallons le douziesme jour d'aoust l'an de grâce mil quatre cens quarante-cinq fut ordonné faire ouvrer et monnoier ès Monnoies de Paris, Tournay, Troyes, Tours, Angers,

Le vingtiesme jour de janvier l'an mil quatre cens quarante-six, par vertu des lettres du roy nostre sire données au Montilz-lez-Tours l'an et jour dessusdicts, fut ordonné faire ès Monnoies déclarées en l'article prochain préceddent deniers d'or appellez escuz de vingt-trois karatz et demy, à ung huictiesme de karat de remedde, de soixante-dix deniers de poidz au marc de Paris, ayans cours pour vingt-sept solz six deniers tournois la pièce, et petitz deniers d'or appellez demyz-escuz à ladicte loy et remedde de sept-vingtz [et] ung denier[s] de poidz audict marc, ayans cours pour treize solz neuf deniers tournois la pièce, de la forme et façon à ceulx qu'on a paravant et dernièrement faictz esdictes Monnoies.

En donnant et faisant donner aux changeurs

Par vertu des lettres patantes du roy nostre sire données au boys Siraine le vingt-sixiesme jour de may mil quatre cens quarante-sept fut ordonné faire ouvrer et monnoier ès Monnoies où en euvre or escuz d'or à vingt-trois karatz trois quartz, à ung quart de karat de remedde, de soixante-dix et demy de poidz au marc, ayans cours pour tel prix que ont les escuz qui ont cours de présent, et que de chacun marc d'or fin livré ès Monnoies soit payé soixante-dix escuz trois quartz d'escu, qui vallent à vingt-sept solz six deniers tournois l'escu quatre-vingtz-dix-sept livres cinq solz sept deniers obole tournois.

Le roy nostre sire, par ses lettres patantes données à Argentan le dix-huictiesme jour de may l'an mil quatre cens cinquante, ordonna faire en ses Monnoies escuz d'or à vingt-trois karatz et ung huictiesme et à ung huictiesme de karat de remedde, de soixante-dix deniers et demy de poidz au marc de Paris, et donner de marc d'or fin soixante-douze desdicts escuz, ayans cours pour vingt-sept solz six deniers tournois la pièce, au brassaige de dix solz tournois seullement pour chacun marc dudict

Par vertu des lettres du roy nostre sire données au boys Siraine le seiziesme jour de juing l'an mil quatre cens cinquante-cinq fut ordonné faire ès Monnoies dudict sieur escuz d'or de soixante [et] unze deniers de poidz au marc et demyz-escuz d'or de sept-vingtz-deux deniers de poidz audict marc, tous semblables en loy, forme, cours et remedde aux préceddens, et donner de marc d'or fin cent livres tournois qui font soixante-douze escuz et huict unziesme d'escu d'or qui vallent cent livres tournois.

Du roy Loys unziesme

Par vertu des lettres du roy nostre sire données au Plessis-du-Parc le douziesme jour de mars l'an mil quatre cens soixante-douze fut ordonné que les escuz d'or neufz faictz et forgez ès Monnoies dudict sieur et du Daulphiné ayent doresnavant cours et soient mys et allouez chacun escu neuf pour vingt-huict solz quatre deniers tournois.

Par vertu de certain brevet signé Aurillot, secrectaire des Finances du roy nostre sire, donné au Pont-de-Meullant le quatriesme jour de janvier l'an mil quatre cens soixante-

Par vertu des lettres du roy nostre sire données à l'abbaye Nostre-Dame de la Victoire-lez-Senlys le second jour de novembre l'an mil quatre cens soixante-quinze fut ordonné faire ès Monnoies dudict sieur et du Daulphiné escuz d'or au soleil à vingt-trois karatz et ung huictiesme, à ung huictiesme de karat de remedde, de soixante-dix deniers de poidz au marc de Paris, lesquelz auront cours pour trente-trois solz tournois la pièce et les demys-escuz d'or à l'équipollent, et donner de chacun marc d'or fin cent dix-huict livres dix solz tournois.

Et aussi, par vertu desdictes lettres, ledict seigneur a ordonné que les escuz d'or faictz par-devant l'ordonnance dernière faicte ayent cours pour trente-deux solz ung denier tournois.

Par vertu des lettres du roy nostre sire données au Plessis-du-Parc-lez-Tours le vingt-quatriesme jour d'avril mil quatre cens quatre-vingtz-huict fut ordonné faire ès Monnoies dudict seigneur et du Daulphiné escuz d'or au soleil du poidz, alloy et remedde dessusdict, lesquelz auront cours pour trente-six solz trois deniers tournois la pièce et les demyz-escuz à l'équipollent et donner de chacun marc d'or fin six-vingtz-dix livres trois solz quatre deniers tournois, les escuz à la couronne pour trente-cinq solz tournois ; publiées à Paris le dixiesme jour de juing mil quatre cens quatre-vingtz-huict.

Du roy Loys douziesme

Par vertu des lettres patantes du roy nostre sire données à Bloys le dix-neufiesme jour de novembre l'an de grâce mil cinq cens sept fut ordonné faire ès Monnoies dudict seigneur escuz d'or au porc-espic semblables en cours, poidz, loy et remedde aux préceddens, et donner-l'en du marc d'or fin six-vingtz-dix livres trois solz quatre deniers tournois comme par cy-devant.

Par lettres patantes du roy nostre sire données à Amboise le vingt-septiesme jour de novembre l'an mil cinq cens seize a esté donné cours par manière de provision aux escuz au soleil du poidz de deux deniers seize grains pour quarante solz tournois pièce et les escuz couronne du poidz de deux deniers quatorze grains pour trente-neuf solz tournois pièce et aux autres espèces d'or déclairées en ladicte ordonnance pour les prix contenuz en icelle.

Par vertu des lettres patantes du roy nostre sire données à Sainct-Germain-en-Laye le vingt [et] ungiesme jour de juillet l'an mil cinq cens dix-neuf, signées 'Par le roy, en son Conseil, Gedoyn', a esté ordonné par manière de provision et jusques à ce qu'autrement en soit ordonné forger ès Monnoies dudict sieur escuz d'or au soleil à vingt-trois karatz et ung huictiesme de karat de remedde, de soixante [et] unze escuz et ung sixiesme d'escuz de poidz au marc de Paris, qui seront du poidz de deux deniers seize grains tresbuchans, qui auront cours pour quarante solz tournois pièce, et donner au marchans qui livreront ès Monnoies matière d'or sept-vingtz-sept livres tournois pour chacun marc d'or fin.

Par vertu des lettres patantes du roy nostre sire

Et derechef a esté ladicte ordonnance publiée par les carrefours de ceste ville de Paris et en la foire Sainct-Germain-des-Prez le cinquiesme jour de febvrier l'an mil cinq cens trente-trois.

Par vertu des lettres patantes du roy nostre sire données à Cormicy le vingt-neufiesme jour de mars l'an mil cinq cens trente-deux, signées 'Par le roy, Breton', par manière de provision et jusques à ce que par ledict seigneur autrement en soit ordonné, a esté donné cours aux fleurins carolus de Flandres pour vingt-deux solz six deniers pièce, les mailles de Hornes qui ont d'un costé ung fer de cheval douze solz six deniers pièce, autres mailles qui ont d'un costé ung escu et dedans ung faulx escu à l'eschiquier et au chef dudict faulx escu demy-lyon pour douze solz tournois, autres mailles qui ont d'un

Laquelle ordonnance fut publiée en ceste ville de Paris où moys d'avril l'an mil cinq cens trente-deux avant Pasques et depuis a esté derechef publiée tant en ceste ville de Paris et carrefours d'icelle que en la foire Sainct-Germain-des-Prez le cinquiesme jour de febvrier l'an mil cinq cens trente-trois.

Par vertu des lettres patantes du roy nostre sire données à Bloys le dix-neufiesme jour de mars mil cinq cens quarante, signées 'Par le roy, Bayart', fut donné prix au marc d'or fin : huict-vingtz-cinq livres sept solz six deniers tournois, et sur ledict pied continué la fabrication de l'ouvraige des escuz soleil des cours, poidz, loy et remeddes comme au préceddent jusques au dernier jour de janvier mil cinq cens quarante-neuf.

Du roy Henry deuxiesme

Par vertu des lettres patantes du roy données à Fontainebleau le quatorziesme jour de janvier l'an mil cinq cens quarante-neuf a esté

Et par autres lettres patantes du XXIIIe jour desdicts moys et an fut donné cours aux escuz soleil pour quarante-six solz tournois pièce.

Du roy François deuxiesme

N'a esté fabricqué aucune monnoie soubz son nom et a esté continué l'ouvraige soubz le nom dudict Henry deuxiesme.

Charles neufiesme

Par lettres patantes données à Sainct-Germain-en-Laye le dix-septiesme aoust mil cinq cens soixante [et] ung, signées 'Burgensis', fut donné prix au marc d'or fin : neuf-vingtz-cinq livres tournois, et sur ledict pied a esté ordonné de faire doresnavant ès Monnoies de France escuz d'or au soleil de pareille forme qu'ilz ont esté forgez par cy-devant sans effigye, à vingt-trois karatz de loy, au remedde d'un quart de karat, et de deux deniers quinze grains tresbuchans pièce, revenant à soixante-douze pièces et demye de taille au marc de Paris, au remedde de deux fellins pour

Par lettres patentes du roy données au chasteau de Boullongne-lez-Paris le unziesme d'aoust mil cinq cens soixante-huict le cours des escuz soleil du poidz de deux deniers quinze grains tresbuchans est tolléré actendant ung plus ample reiglement pour cinquante-deux solz tournois pièce.

Et les escuz couronne pour cinquante [et] ung solz tournois, les escuz d'Espaigne dictz pistolletz, ceulx de Flandres, du pape, Venise, Feirare, Lucques et Gennes pour cinquante solz pièce.

Par vertu de l'arrest du Conseil privé du roy tenu à Paris le seiziesme jour de septembre mil cinq cens soixante-dix furent publiées en ladicte ville deffences d'exposer les escuz soleil à plus hault prix de cinquante-quatre solz tournois et les escuz pistolletz à cinquante-deux solz tournois.

Par vertu des lettres patantes du roy données à Paris le vingt [et] ungiesme jour d'avril mil cinq cens soixante [et] unze, en actendant une plus ample provision, fut permys le cours de l'escu soleil à cinquante-quatre solz tournois, escuz couronne : cinquante-trois solz tournois, escuz vieulx : soixante-cinq solz tournois, royaulx d'or de France et à francs [sic] à pied et à cheval : cinquante-neuf solz tournois, henryz simples : cinquante-huict solz tournois, nobles à la roze d'Angleterre : six livres six solz tournois, nobles henryz : cent quatorze solz tournois,

Par vertu des lettres patantes du roy données à Bloys le seiziesme jour d'octobre l'an mil cinq cens soixante [et] unze le cours dudict escu sol fut tolléré suivant l'eedict du vingt [et] ungiesme avril à cinquante-quatre solz jusques au premier jour d'avril ensuivant et les escuz couronne, escuz vieulx, royaulx de France et francs à pied et à cheval, henriz simples, angellotz d'Angleterre, impérialles et royaulx d'or de Flandres, vieulx ducatz d'Espaigne, Portugal, Hongrye, Venise et Gennes, escuz d'Espaigne dictz pistolletz et ceulx de Navarre, Venise et Gennes au prix désigné par ledict eedict du vingt [et] ungiesme avril, pièces de milretz forgées en Portugal pour cent quatorze solz tournois, le tout jusques au premier jour d'avril ensuivant.

Et après ledict jour Sainct-Jehan le cours de toutes les espèces d'or cy-dessus déclarées remys au prix de l'ordonnance faicte au moys d'aoust mil cinq cens soixante [et] ung.

Et d'autant que ledict eedict du seiziesme octobre n'auroit esté publié en la Court de parlement que le vingt-troisiesme may mil cinq cens soixante-douze par lettres patantes du roy données au château de Boullongne le quatorziesme jour de juing mil cinq cens soixante-douze, fut ordonné que ladicte tollérance du cours de l'escu soleil à cinquante-quatre solz et autres espèces à l'équipollent dureroit jusques au premier jour d'octobre oudit an.

Et que dudict premier jour d'octobre jusques au premier jour de janvier ensuivant [mil] cinq cens soixante-treize ledict escu soleil ne seroit mys que pour cinquante-deux solz, les autres espèces d'or ayans cours par ledict eedict à l'équipollent.

Et après ledict premier jour de janvier que le cours dudict escu et espèces susdictes seroit réduict au prix de ladicte ordonnance de l'année mil cinq cens soixante [et] ung.

Par vertu des lettres patantes du roy données à Paris le vingtiesme jour de décembre mil cinq cens soixante-douze le cours dudict escu a cinquante-quatre solz tournois fut prorogé jusques au premier jour de juillet mil cinq cens soixante-treize, les autres espèces d'or à l'équipollent.

Par lettres patantes du roy données à Fontainebleau le vingt-sixiesme jour de may l'an mil cinq cens soixante-treize les escuz soleil, par manière de provision et tollérance, furent mys à cinquante-quatre solz, escuz couronne : cinquante-trois solz tournois, escuz vieulx : soixante-cinq solz tournois, royaulx d'or de France et francs à pied et à cheval : cinquante-neuf solz tournois, henryz simples : cinquante-huict solz tournois,

Henry troisiesme, roy de France et Poloigne

Par vertu des lettres patantes du roy données à Paris le septiesme jour de juillet l'an mil cinq cens soixante-quatorze le cours desdicts escuz soleil fut tolléré pour cinquante-six solz tournois, les escuz d'Espaigne dictz pistolletz : cinquante-quatre solz tournois, jusques au premier jour de janvier ensuivant, sans toucher aux autres espèces d'or, et icelluy passé le prix dudict escu soleil remys par provision à cinquante-quatre solz tournois dudict escu d'Espaigne à cinquante-deux solz tournois et les autres espèces cy-dessus déclarées à l'équipollent suivant ledict eedict du vingt-sixiesme [jour de] may.

Par vertu des lettres patantes du roy données à Paris le dernier jour de may mil cinq cens soixante-quinze fut donné cours par provision et tollérance aux escuz soleil pour soixante solz tournois, escuz couronne : cinquante-neuf solz, escuz vielz : soixante-douze solz, royaulx et francs d'or à pied et à cheval : soixante-huict solz, simples henryz : soixante-cinq sols, vieilz ducatz d'Espaigne, Castille,

Par vertu des lettres patantes du roy données à Bloys le vingt-deuxiesme jour de mars l'an mil cinq cens soixante-dix-sept ledict escu soleil, par provision et tollérance, fut mys a soixante-cinq solz tournois, escu couronne : soixante-quatre solz tournois, et autres espèces d'or ayans cours en ce royaulme à l'équipollent.

Et depuis, par vertu des arrestz de la Court de parlement de Paris des treize et vingt [et] ungiesme jour de juing oudict an ledict escu sol, suivant les lettres du roy, fut mys à soixante-six solz, l'escu couronne : soixante-cinq solz tournois, l'escu viel à quatre livres tournois, le henry à soixante-douze solz tournois, les royaulx d'or de France et francs à pied et à cheval : soixante-quinze solz tournois, ducatz d'Espaigne, Castille, Hongrye, Venise et Gennes : soixante-douze solz tournois, pièces de milretz forgées en Portugal : sept livres quatre solz tournois, escuz d'Espaigne dictz pistolletz, ensemble ceulx de Navarre, Venise et Gennes : soixante-quatre solz tournois, impérialles et royaulx d'or forgées en Flandres : cent six solz tournois, le tout par manière de provision et tollérance comme dessus.